काठमाडौं । सत्तारुढ दल नेपाल कम्युनिष्ट पार्टी (नेकपा)को भोली (शनिबार) बस्ने भनिएको सचिवालय बैठक स्थगित भएको छ ।
पार्टी अध्यक्षद्वय केपी शर्मा ओली र पुष्पकमल दाहालबीच आज (शुक्रबार) बालुवाटारमा भएको छलफलपछि शनिबार बस्ने भनिएको बैठक भदौ १८ गतेसम्मका लागि स्थगित भएको हो ।
बैठकमा विवाद समाधानका लागि कार्यदलले बुझाएको प्रतिवेदनमाथि छलफल हुने बताइएको थियो । तर, कोरोना संक्रमण बढ्दै गएको भन्दै बैठक स्थगित गरिएको सचिवालय स्रोतले जनाएको छ ।
Leave a Reply