एजेन्सी । म्यानमारमा सुरक्षाकर्मीको गोली लागेर सात वर्षीया बालिकाको ज्यान गएको छ ।

प्रदर्शनको क्रममा सुरक्षाकर्मीको गोली लागी मान्डली शहरको आफ्नो घरमै रहेकी खिन मिओ चितको मृत्यु भएको बिबिसीले जनाएको छ । सुरक्षाकर्मीले उनका बुबालाई लक्षित गरेर प्रहार गरेको गोली नजिकै बसिरहेकी बालिकालाई लागेको बताइएको छ ।

सुरक्षाकर्मीले उनका दाजुलाई समेत पक्राउ गरेको छ । प्रदर्शनमा सुरक्षाकर्मीको ज्यादतीबाट हालसम्म कम्तीमा २० बालबालिकाको ज्यान गएको सेभ द चिल्ड्रेनले जनाएको छ ।

अहिलेसम्म १६४ जना प्रदर्शनकारीको ज्यान गएको छ ।