काठमाडौं । प्रमुख प्रतिपक्ष कांग्रेसले प्रधानमन्त्री केपी शर्मा ओलीको राजीनामा माग्ने र आफ्नै नेतृत्वमा सरकार गठन गर्ने अपौचारिक निर्णय गरेसँगै नयाँ सरकार बनाउन सहमती जुटाउने काम सुरु भएको छ ।

कांग्रेसले केन्द्रीय कार्यसमिति बैठकबाट नयाँ सरकार गठनको अर्को दिन माओवादी केन्द्रका अध्यक्ष पुष्पकमल दाहालले कांग्रेस र जसपा नेताहरुसँग संवाद थालेका छन् ।

दाहालले शनिबार कांग्रेस सभापति शेरबहादुर देउवा, प्रकाशमान सिंहलगायत नेताहरुसँग संवाद गरेका छन् , नयाँ सरकार गठनबारे ठोस र औपचारिक छलफलका लागि दाहालले कांग्रेस नेताहरुसँग प्रस्ताव गरेका हुन् ।

संवाद अघि बढाउनकै लागि प्रचण्ड हतारहतार कपिलवस्तुबाट काठमाडौं फर्केका छन् । अबको राजनीति जनता समाजवादी पार्टीको निर्णयमा भर पर्नेछ ।

जसपाले गर्ने निर्णयले नै नयाँ सरकार गठनको बाटो खुल्ने छ ।