एजेन्सी । फ्रेन्च लिग वान फुटबल अन्तर्गत शनिबार राति भएको खेलमा पेरिस सेन्ट जर्मेन (पिएसजी) शीर्ष स्थानको लिलेसँग पराजित भयो ।
घरेलु मैदानमा भएको खेलमा पिएसजी लिलेसँग १–० ले स्तब्ध भएको हो । लिलेको जितमा २० औँ मिनेटमा डेविडले गरेको गोल नै निर्णायक बन्यो ।
जितपछि शीर्ष स्थानको लिलेको ३१ खेलबाट ६६ अंक भएको छ । दोस्रो स्थानको पिएसजीको ६३ अंक छ ।
तर यो खेल लिलेको जित भन्दा पनि अन्तिम समयमा भएको विवादका कारण चर्चामा छ । खेलको ९० औँ मिनेटमा नेइमारले रातो कार्ड पाए ।
उनी दोहोरो पहेँलो कार्ड पाएर मैदानबाट बाहिरिन बाध्य भए । लिलेका टिएगो जालोलाई धकेलेका कारण नेइमारले रातो कार्ड पाएका हुन् । विवादमा सामेल भएका लिलेका जालोले पनि रातो कार्ड पाए ।
Leave a Reply