भारतमा कोरोनाको आतंक मच्चिएसँगै दिल्लीमा रात्रिकालीन कर्फ्यु

एजेन्सी। भारतको राजधानी नयाँ दिल्लीमा कोरोना भाइरस संक्रमणको जोखिम बढ्दै गएपछि रोकथामका लागि रात्रिकालीन कर्फ्यु जारी गरिएको छ ।

दिल्लीको राज्य सरकारले आजदेखि लागू हुने गरी आगामी ३० अप्रिलसम्मका लागि कफ्र्यु लगाउने निर्णय गरेको हो ।

कर्फ्यु राति १० बजेदेखि बिहान ५ पाँचबजेसम्म हुने भारतीय समाचार माध्यमहरुले जनाएका छन्।

भारतको दिल्लीलगायत प्रमुख सहरहरुमा पछिल्लो केही सातायता संक्रमण तीव्र बन्दै गएको छ ।

दिल्लीमा सोमबार मात्र ३ हजार ५४८ संक्रमित थपिएका थिए भने १५ जनाको संक्रमणका कारण ज्यान गएको थियो।

भारतको स्वास्थ्य तथा परिवार कल्याण मन्त्रालयका अनुसार सोमबार देशभर ९६ हजार ९८२ मा संक्रमण पुष्टि भएको थियो ।

पछिल्ला दिनहरुमा भारतमा १ लाखभन्दा बढी नयाँ संक्रमितहरु दिनहुँ थपिएका छन् ।

प्रतिक्रिया दिनुहोस्

नयाँ अपडेट