एजेन्सी । बेलायतकी एक महिलाले आफ्ना प्रेमीसँग शारीरिक सम्बनधमा कुनै बाधा नहोस् भनेर आफ्नी ३ वर्षकी छोरीको हत्या गरेको खुलासा भएको छ ।

बेलायती संचार माध्यम डेलिमेलका अनुसार गत वर्ष ९ अगस्टका दिन काइली जायदे प्रिस्ट नामकी ३ वर्षकी बालिका मृत भेटिएकी थिइन् । उनको छाती र पेटमा चोट पाइएको थियो । बालिकाकी आमाले ९९९ मा फोन गरेर पुलिसलाई यसको जानकारी दिएकी थिइन् । अधिकारीहरुले जाँचको क्रममा बालिकाको हत्या आमाले नै गरेको पाएका थिए ।

उक्त घटनापछि अदालतले बालिकाकी आमा र उनका २२ वर्षका प्रेमी क्यालम रेडफर्नलाई दोषी ठहर गरेको छ । अदालतका अनुसार ती महिलाले आफ्ना प्रेमीसँग शारीरिक सम्बन्ध राख्न खोज्दा छोरीले डिस्टर्ब गरेपछि उनले हत्या गरेकी थिइन् ।

महिलालाई हत्या आरोपमा १५ वर्ष र बालबालिकामाथि क्रुरताको आरोपमा ३ वर्ष जेल सजाय सुनाइएको त्यहाँको संचारमाध्यमले जनाएका छन् ।