Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । नेपाली कांग्रेसका नेता डा. मीनेन्द्र रिजालले पार्टी नेतृत्वमा शेरबहादुर देउवाको विकल्प आवश्यक रहेको प्रतिक्रिया दिएका छन् ।
बिहीबार बिहान पत्रकारहरुसँग कुरा गर्दै नेता रिजालले पार्टीमा देउवाको विकल्प आवश्यक रहेको भन्दै यसका लागि आफूहरू क्रियाशील रहेको बताए ।
‘कांग्रेस नेतृत्वमा देउवाको विकल्प खोजेको छौँ,' डा रिजालले भने, 'उहाँको विकल्प चाहिन्छ भन्नेमा छौँ।'
यस्तै, संस्थापनइतरबाट सभापतिको साझा उम्मेदवारबारे पत्रकारहरुको प्रश्नमा उनले सहमतिमै सभापतिको साझा उम्मेदवार बनाएरै छाड्ने दाबी गरे ।
‘हिजोको चाक्सीबारीको तिक्ततापछि झनै साझा उम्मेदवार बनाउनुपर्छ भन्ने भएको छ,’ रिजालेले भने, ‘हामी हाम्रो समूहबाट साझा उम्मेदवार बनाएरै छाड्छौँ।’
संस्थापनइतरमा सभापतिको आकांक्षीमा नेता रामचन्द्र पौडेल, प्रकाशमान सिंह, शेखर कोइराला र शशांक कोइराला रहेका छन्। यद्यपि कोइरालाद्वयले साझा उम्मेदवारका लागि पौडेललाई समर्थन गर्ने संकेत गरेका छन् तर, सिंहले आफ्नो दाबी छाडेका छैनन्।
महाधिवेशन भोलि शुक्रबारदेखि काठमाडौंमा सुरू हुँदैछ ।
© 2026 All right reserved to onlinenepal.com
Design & Developed By
