सिटौलासँग आशीर्वाद लिन चण्डोल पुगे विश्वप्रकाश

काठमाडौँ । नेपाली काँग्रेसका नवनिर्वाचित महामन्त्री विश्वप्रकाश शर्माले नेता कृष्णप्रसाद सिटौलाबाट बधाई तथा आशीर्वाद ग्रहण गरेका छन् ।

आइतबार सिटौला निवास चण्डोल पुगेका महामन्त्री शर्मालाई सिटौलाले आशीर्वादसहित टीका र खादा लगाइदिएका हुन् ।

प्रकाशमान सिंहको प्यानलबाट महामन्त्रीमा निर्वाचित भएका शर्माले चार दिन पछि सिटौलालाई भेटेका हुन् ।

शर्मा पुस १ गते महामन्त्रीमा निर्वाचित भएका थिए ।

काँग्रेसका पूर्वमहामन्त्री सिटौला र नवनिर्वाचित महामन्त्री शर्माको गृहजिल्ला झापा नै हो ।

काँग्रेस राजनीतिमा सिटौला र शर्माबीच चर्को प्रतिस्पर्धा रहँदै आएको छ ।

प्रतिक्रिया दिनुहोस्

नयाँ अपडेट