काठमाडौं । राष्ट्रिय सभा निर्वाचनमा कर्णाली प्रदेशमा पनि सत्तारुढ गठबन्धनको जित भएको छ ।

गठबन्धनबाट नेपाली कांग्रेसकी दुर्गा गुरुङ, नेकपा एकीकृत समाजवादीका उदयबहादुर बोहोरा र नेकपा माओवादी केन्द्रका नरबहादुर विष्ट विजयी भएका हुन् ।

प्रतिपक्षी एमालेका उमेदवारहरूलाई पराजित गर्दै उनीहरू विजयी भएका हुन् । तीन सिटमा भएको निर्वाचन परिणामअनुसार महिलातर्फ दुर्गा गुरुङ विजयी भएकी छन् । उनले २ हजार ९७० मतभार प्राप्त गरिन् ।

यस्तै गंगा थापाले १ हजार ४१६ मतभार प्राप्त गरिन् । निर्वाचनबाट अपाङ्ग अल्पसंख्यक समूहबाट नरबहादुर विष्ट विजयी भएका छन् । उनले ३ हजार ६ मतभार प्राप्त गरे । उनका प्रतिष्पर्धी पदमबहादुर माझिले १ हजार ३९८ मतभार प्राप्त गर्दै पराजय भोगे ।

अन्य समूहमा उदयबहादुर बोहोरा विजयी भएका छन् । उनले ३ हजार ६ मतभार प्राप्त गर्दै विजयी भएका हुन् ।