कपिलवस्तु । कपिलवस्तुमा गर्भवतीको हत्या गरेको आरोपमा श्रीमान र ससुरा पक्राउ परेका छन् ।
जिल्लाको यशोधरा गाउँपालिका ८ सिहोखोर की २१ वर्षीय रहिसुन्निसा मुसलमानलाई झुन्ड्याएर मारेको आरोपमा प्रहरीले उनीहरुलाई पक्राउ गरेको हो ।
घटनामा संलग्न भएको आरोपमा मृतकका श्रीमान २२ वर्षीय मोहम्मद नसिम अलि भाट मुसलमान र ५० वर्षीय ससुरा अब्बास अलि भाट मुसलमान पक्राउ परेका हुन् ।
उनीहरुमाथि अनुसन्धान सुरु भएको प्रहरी नायब उपरीक्षक धर्मराज भण्डारीले जानकारी दिए । मारेर पुरिएको शव उत्खनन गरेर पोष्टमार्टमका लागि लुम्बिनी प्रदेशिक अस्पताल बुटवल पठाइएको छ ।
घटनाको विषयमा थप अनुसन्धान भइरहेको प्रहरीले जनाएको छ । प्रहरीका अनुसार मृतक महिला दुई महिनाको गर्भवती भएको खुलेको छ ।
Leave a Reply