काठमाडौं । चिनियाँ कम्युनिष्ट पार्टी (सीपीसी)का नेताहरुले नेकपा एमालेका अध्यक्ष केपी शर्मा ओली र एकीकृत समाजवादीका अध्यक्ष माधवकुमार नेपालसँग भिडियो संवाद गरेका छन् ।
रिपोर्टका अनुसार बिहीबार एमाले अध्यक्ष ओलीसँग विदेश विभाग प्रमुख सङ ताओ र एकीकृत समाजवादीका अध्यक्ष नेपालसँग विदेश विभाग उपप्रमुख चेन झाओले भिडियो सम्वाद गरेका हुन् ।
भिडियो सम्वादका क्रममा नेपाल चीन सम्बन्धबारे कुराकानी भएको चिनियाँ कम्युनिष्ट पार्टीले जनाएको छ ।
पछिल्लो समय एमसीसीबारे नेताहरुबीच विवाद भइरहेको बेलाको यो संवादलाई अर्थपूर्ण रुपमा हेरिएको छ।
Leave a Reply