एजेन्सी। साउदी युवराज मोहम्मद बिन सलमान र चिनियाँ राष्ट्रपति सी जिनपिङले आ–आफ्ना देशबीच साझेदारी प्रवर्द्धन गर्ने उपायबारे छलफल गरेका छन् ।

रियादले बेइजिङसँग डलरको सट्टा युआनमा तेल किन्न वार्ता गरिरहेको गत महिना रिपोर्ट आएको बेला यो छलफल भएको हो।

१५ अप्रिलमा साउदी अरेबियाको समाचार एजेन्सी एसपीएले साउदी युवराज र चिनियाँ राष्ट्रपति सी जिनपिङबीच फोन वार्ता भएको बताएको थियो।

तर के छलफल भएको थियो भन्ने विवरण भने दिएन।

उक्त वार्तामा दुई देशबीचको रणनीतिक सम्बन्ध अभिवृद्धि गर्ने प्रयास र साझा चासोका अन्तर्राष्ट्रिय विषयमा छलफल भएको प्रतिवेदनमा उल्लेख छ ।

तर यस प्रतिवेदनमा तेलको बिक्री वा तेलको मूल्य निर्धारण गर्न वार्ता भएको उल्लेख छैन।