धनुषा। भारतबाट अवैध रुपमा मेडिकल सामग्री ल्याएर राखिएको जनकपुरधामस्थित एक घरमा प्रहरीले छापा मारेको छ ।

जनकपुरधाम उपमहानगरपालिका-९ स्थित घरमा छापा मार्दा ठुलो मात्रामा मेडिकल सामग्री फेला परेको जिल्ला प्रहरी कार्यालय धनुषाले जनाएको छ ।

मेडिकल सामग्री फेला परेपछि घरमा बसिरहेका तीन जनालाई पक्राउ गरिएको र पक्राउ पर्ने तीनै जना भारतीय नागरिक रहेको प्रहरीले जनाएको छ ।

सामानसहित तीनै जनालाई जिल्ला प्रहरी कार्यालय ल्याउने र अनुसन्धान गर्ने काम भइरहेको प्रहरीले जनाएको छ ।