काठमाडौं । वसन्तपुरमा जीवित देवी कुमारीको विशेष पूजा गरिएको छ ।

वसन्तपुरमा आज ५४ जना कुमारीको पूजा गरिएको हो । इन्द्रजात्राको लिंगो ठड्याएको भोलिपल्ट कुमारीको सामूहिक पूजा गर्ने प्रचलन छ ।

बुधबार विशेष विधिपूर्वक लिंगो ठड्याएसँगै यो वर्षको ईन्द्रजात्रा शनिबारदेखि नै सुरु भएको छ। पूजाका लागि कुमारीहरुलाई विशेष रुपमा सिंगारिएको थियो ।

कुमारी पूजाको आयोजना हिन्दु राष्ट्र संघले गर्दै आइरहेको छ । विशेष गरेर राष्ट्र कल्याणको कामना गर्दै यो पूजा गरिने गरिन्छ ।

कुमारी पूजा गर्नाले सुख–शान्ति र समृद्धि प्राप्त हुने धार्मिक विश्वास रहेको छ । त्यस्तै कुमारी पूजा गर्दा उनीहरू रोग आदिबाट सुरक्षित हुने जनविश्वास रहेको स्थानीयहरूको भनाइ छ ।