काठमाडौं । नेपाली कांग्रेसका नेता प्रकाशमान सिंहले काठमाडौं क्षेत्र नम्बर १ बाट मनोनयन दर्ता गराएका छन् ।
आइतबार बानेश्वरस्थित मुख्य निर्वाचन अधिकृतको कार्यालयमा गएर सिंहले उम्मेदवारी दर्ता गराएका हुन् ।
सोही निर्वाचन क्षेत्रबाट राप्रपाका रवीन्द्र मिश्र र राष्ट्रिय स्वतन्त्र पार्टीबाट पुकार बमले पनि उम्मेदवारी दर्ता गराइसकेका छन् ।
सिंहले २०७४ को चुनावमा यही क्षेत्रबाट चुनाव जितेका थिए । ०७४ को चुनावमा मिश्रले सिंहलाई कडा टक्कर दिएका थिए ।