काठमाडौं । साताको तेस्रो दिन आज मंगलबार सुनको मूल्य बढेको छ भने चाँदीको चाहिँ स्थिर रहेको छ ।
नेपाल सुनचाँदी व्यवसायी महासंघका अनुसार सोमबार प्रतितोला एक लाख ५ सय रूपैयाँमा कारोबार भएको छापावाल सुनको मूल्य मंगलबार २ सयले बढेर एक लाख ७ सय रुपैयाँमा कारोबार भइरहेको छ ।
तेजावी सुन प्रतितोला एक लाख २ सय रूपैयाँमा कारोबार भइरहेको छ ।
चाँदीको मूल्य दुई दिनदेखि स्थिर छ। १५ रुपैयाँले घटेर आइतबार प्रतितोला १३ सय ९० रुपैयाँ भएको थियो। मंगलबार पनि यही मूल्यमा कारोबार भइरहेको छ।