Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं। सुदूरपश्चिम प्रदेशले प्रधानमन्त्री कप राष्ट्रिय टी–२० महिला क्रिकेट प्रतियोगितामा दोस्रो जित निकालेको छ।
इटहरीको जनता क्रिकेट पार्कमा सोमबार भएको खेलमा सुदूरपश्चिमले गण्डकीलाई ९ विकेटले पराजित गरेको हो।
गण्डकीले दिएको ६१ रनको झिनो लक्ष्य सुदूरपश्चिमले ११ ओभरमा १ विकेट गुमाएर भेट्टायो ।
सुदूरपश्चिमको जितमा कप्तानसमेत रहेकी ओपनर विन्दू रावलले सर्वाधिक अविजित ४६ रनको योगदान गरिन् ।
बलिङमा गण्डकीकी निरुता जीटीले १ विकेट लिइन् । त्यसअघि टस जितेर पहिले ब्याटिङ गरेको गण्डकीले कमजोर प्रदर्शन गरेको थियो ।
पूरा २० ओभर खेलेर ९ विकेट गुमाउँदै ६० रन बनाएको गण्डकीका लागि तेस्रो नम्बरमा ब्याटिङ गरेकी सीमाना केसीले सर्बाधिक १३ रन बनाइन् । गण्डकीले १२ अतिरिक्त रन पाएको थियो ।
बलिङमा सुदूरपश्चिमकी मनिषा चौधरीले ४ विकेट लिइन् । उनले ४ ओभरमा १ मेडन राख्दै १४ रन खर्चिन् । इश्वरी भट्ट र स्नेहा महराले १–१ विकेट लिए । गण्डकीका तीनजना ब्याटर रनआउट भएका थिए ।
© 2026 All right reserved to onlinenepal.com
Design & Developed By
