कैलाली । छैटौं संस्करणको मुख्यमन्त्री सुदूरपश्चिम खप्तड गोल्डकप फुटबल प्रतियोगिता आजदेखि सुरु भएको छ ।

सुदूरपश्चिम–११ स्पोर्ट्स क्लबको आयोजनामा बिहीबार सुरु भएको प्रतियोगिताको सुदूरपश्चिमका मुख्यमन्त्री कमलबहादुर शाहले उद्घाटन गरे ।

उनले खेल र खेलकुद क्षेत्रको विकासका लागि प्रतियोगिता आयोजना हुन आवश्यक रहेको बताए । उनले प्रदेशलाई विश्वभरी पहिचान गराउन पनि खेलकुद क्षेत्रले महत्वपूर्ण भूमिका निर्वाह गर्ने बताए ।

धनगढी रंगशालामा हुने प्रतियोगिताको उद्घाटन खेलमा नेपाल एपीएफ क्लब र बागमती क्लबबीच प्रतिष्पर्धा भइरहेको छ ।

प्रतियोगितामा ‘ए’ डिभिजन ६, दुई विदेशी, मोफसलको एक र आयोजक क्लब गरी १० टोलीको सहभागिता रहेको आयोजकले जनाएको छ ।