विराटनगर । कोशी प्रदेशसभाले प्रदेशसभा सदस्यहरूलाई बाँड्ने भनेको ल्यापटप नेपाली कांग्रेसका सांसदहरूले नलिने भएका छन्।
बिहीबार विराटनगरमा बसेको कोशी कांग्रेसको प्रदेश सभा संसदीय दलको बैठकले ल्यापटप नलिने निर्णय गरेको हो ।
प्रदेश सभा सचिवालयले ९३ जना प्रदेशसभा सदस्यलाई एउटा-एउटा ल्यापटप दिने निर्णय गरेको थियो।
यता, नेकपा (माओवादी केन्द्र) का सांसदले पनि प्रदेश सभाले बाँड्ने भनेको ल्यापटप नलिने बताउँदै आएका छन् ।
पार्टीका संसदीय दलका नेता इन्द्रबहादुर आङ्बोले विकास निर्माणका आयोजनाको कामको भुक्तानी हुन नसकिरहेको बेला सांसदलाई ल्यापटप उपलब्ध गराउनु गलत भएको बताए ।