काठमाडौं । बाढी पहिरोमा परि एक साताको अवधिमा १३ जनाको मृत्यु भएको छ भने २६ जना बेपत्ता भएका छन् ।

गृहमन्त्रालयका निमित्त सचिव तथा विपद व्यवस्थापन महाशाखा प्रमुख महादेव पन्थका अनुसार वैशाख ३१ गतेदेखि जेठ ७ गते बिहानसम्म बाढी तथा पहिरोमा परी १३ जनाको मृत्यु भएको हो ।

बिहीवार बसेको राष्ट्रिय सभाको दिगो विकास तथा सुशासन समितिको बैठकमा भएको छलफलमा भाग लिँदै पन्थले सो जानकारी दिएका हुन् ।

ताप्लेजुङ र पाँचथरमा ३-३ जनाको मृत्यु भएको छ । भोजपुर, गोरखा र नुवाकोटमा एक-एक जनाको ज्यान गएको छ भने तनहुँमा पनि दुईजनाको मृत्यु भएको छ ।