काठमाडौं । प्रधानमन्त्री पुष्पकमल दाहाल ‘प्रचण्ड’को निजी सचिव रहेका सहसचिव नवराज ढुंगानालाई राजस्व अनुसन्धान विभागको महानिर्देशकको जिम्मेवारी दिइएको छ ।

राजस्व अनुसन्धान विभागका महानिर्देशक नारायण सापकोटा सरुवा भएसंगै ढुंगानालाई उक्त जिम्मेवारी दिइएको हो ।

अर्को निकाय सम्पत्ति शुद्धिकरण अनुसन्धान विभागको महानिर्देशकको जिम्मेवारी दिनेगरी सापकोटालाई प्रधानमन्त्री तथा मन्त्रिपरिषद कार्यालयले सरुवा गरेको जनाइएको छ ।

तर सापकोटालाई सम्पत्ति शुद्धिकरणमा लाने पक्षमा प्रधानमन्त्री प्रचण्ड छैनन् । सापकोटालाई साढे ४ महिनाअघि राजस्व अनुसन्धान विभागमा सरुवा गरिएको थियो ।