काठमाडौं । आगामी साउन १ गतेदेखि उपभोक्तासम्म पुग्ने हरेक आयातित वस्तुमा आयातकर्ता र बजार वितरकले ‘लेबल’ अनिवार्य राख्नुपर्ने भएको छ ।

आर्थिक ऐन २०८० ले गरेको प्रावधानलाई कार्यान्वयन गर्न अर्थ मन्त्रालय, भन्सार विभागले सबै पैठारीकर्ता र बजार वितरकलाई ‘लेबल’ राख्न सूचित गरेको हो ।

आर्थिक ऐनअनुसार साउनदेखि पैठारी हुने तयारी मालवस्तु बजारमा बिक्री वितरणका लागि पठाउनु अघि त्यस्ता मालवस्तुको प्याकिङमा पैठारीकर्ता र बजार वितरकको पूरा विवरण भएको ‘लेबल’ लगाउनुपर्नेछ ।

साउन १ गतेदेखि ‘लेबल’ नलगाएरै वस्तु बजारमा बिक्री वितरण भएमा कारबाही हुने विभागले जनाएको छ ।