कैलाली । विरल वर्षासँगै आएको पहिरोले कैलालीमा सडक अवरुद्ध भएको छ ।
भीमदत्त राजमार्गअन्तरगत गोदावरी नगरपालिकाको सेल्फीडाँडा र बुढितोलामा सोमबार राति पहिरो गएपछि सडक अवरुद्ध भएको हो ।
सुदूरपश्चिम प्रदेश ट्राफिक प्रहरी कार्यालय अत्तरियाले पहिरोका कारण राजमार्ग अवरुद्ध भएको जानकारी दिएको छ ।
राजमार्ग अवरुद्ध हुँदा सुदूरपश्चिम पहाडी जिल्लाबाट छुटेका सवारी साधन खानीडाँडामै रोकिएका छन् भने कैलाली र कञ्चनपुरबाट छुटेका सवारीसाधन पनि बाटोमै छन् । जेसीबीको प्रयोग गरेर पहिरो पन्छ्याउने काम भइरहेको सुदूरपश्चिम प्रदेश ट्राफिक प्रहरीले जनाएको छ ।
Leave a Reply