काठमाडौं । प्रतिनिधि सभाका सभामुख देवराज घिमिरेले जारी सदनको अवरोध खुलाउन सबै सांसदहरुले आ–आफ्नो ठाउँबाट सहयोग गर्नुपर्ने आवश्यकता रहेको बताएका छन् ।
राष्ट्रिय मानवअधिकार आयोगले धुलिखेलमा शुक्रबार आयोजना गरेको कार्यक्रममा बोल्दै सभामुख घिमिरेले यस्तो बताएका हुन् ।
उनले केही सातादेखि संसद्को नियमित कारबाही अघि बढ्न नसकेको अवस्थामा त्यसलाई समाधान गर्न सबै सांसदले सहयोग गर्नुपर्ने बताए ।
संसदले पछिल्ला वर्षहरुमा नियमित काम गर्न नपाएको उनको भनाई छ । अघिल्लो संसद्मा पनि संसद विघटन, पुनःस्थापना र निर्वाचनका कारण जनमुखी कानुन निर्माणमा प्रर्याप्त छलफल नसकेको उनले बताए ।