काठमाडौं । नेकपा एमालेका अध्यक्ष केपी शर्मा ओलीले ‘माकुराको जालोमा भैंसी’ नपर्ने बताएका बताएका छन् ।
एमालेनिकट भूपू सैनिक-प्रहरी संगठनको कार्यक्रममा बोल्दै अध्यक्ष ओलीले आफूलाई फसाउन विरोधीहरूले माकुराको जालो बुनिरहेको बताएका हुन् ।
अध्यक्ष ओलीले भने,‘म प्रधानमन्त्री, पराराष्ट्रमन्त्री, गृहमन्त्री हुँदा कतै नचिप्लियोस् भनेर कानुन पल्टाइ-पल्टाइ फैसला–निर्णय गरेको छु। त्यसकारण यिनीहरूका इच्छाले केही हुँदैन । माकुराको जालोमा भैंसी पर्दैन यिनीहरूले बुझ्नुपर्छ। यिनीहरू माकुराको जालो बनाएर हिँड्छन्, केपी ओलीलाई पार्न। केपी ओलीको न खुट्टाले थाहा पाउँछ, न सिङले थाहा पाउँछ न त जिउले नै थाहा पाउँछ!’
उनले आफूले कसैले गोली हान्न सक्ने बताए। यसमा आपत्ति नभएको उनको भनाइ छ। उनले भ्रष्टाचार, तस्करीलाई छोप्न, एमालेले गर्यो, एमाले गर्यो भनेर हल्ला चलाइएको बताए।
Leave a Reply