काठमाडौं । नेकपा एमालेको बागमती प्रदेश अधिवेशनमा आज निर्वाचन नहुने भएको छ ।

सहमतिबाटै अध्यक्षलगायत चयन गर्न भन्दै निर्वाचन कार्यतालिका संशोधन गरिए हो । अझै सहमतिको प्रयास जारी भएकाले भोलिसम्मको लागि मतदानको कार्यक्रम स्थगित गरेको छ ।

अहिले सहमतिको प्रयास जारी भएकाले आज ८ बजेसम्म उम्मेदवारी फिर्ता लिने समय तोकिएको छ । सहमति नजुटे उम्मेदवारी अन्तिम नामावली प्रकाशन ९ बजे प्रकाशन हुनेछ ।

अध्यक्ष पदमा कृष्णप्रसाद दाहाल, केशरबहादुर बुढाथोकी, कैलाशप्रसाद ढुंगेल, सानुकुमार श्रेष्ठको उम्मेदवारी परेको छ।

अध्यक्षमै उम्मेदवारी दिएका केशवराज पाण्डेले भने उम्मेदवारी फिर्ता लिइसकेका छन्। मतदान भने शुक्रबार बिहान ८ बजे पार्टी केन्द्रीय कार्यालय च्यासलमा हुने निर्वाचन कार्यतालिकामा उल्लेख छ।