एजेन्सी । आईसीसी एकदिवसीय विश्वकपमा दक्षिण अफ्रिकाले श्रीलङ्कासामु ४ सय २९ रनको विशाल लक्ष्य प्रस्तुत गरेको छ ।
टस हारेर पहिलो ब्याटिङ गर्दै दक्षिण अफ्रिकाले ५० ओभरमा ५ विकेट गुमाएर ४ सय २८ रन बनाएको हो ।
आईसीसी एकदिवसीय विश्वकपमा कुनै पनि टोलीले बनाएको यो सबैभन्दा ठुलो स्कोर हो ।
यसअघि अस्ट्रेलियाले सन् २०१५ मा अफगानिस्तानविरुद्ध ४१७ रन बनाएको थियो ।
दक्षिण अफ्रिकाका लागि ओपनर क्वीनटन डी कक, रासी भान डेर डुसेन र एइडन मारक्रमले शतक बनाए ।
Leave a Reply