काठमाडौं । प्रमुख प्रतिपक्षी नेकपा एमालेले सचिवालय बैठक बोलाएको छ ।
आगामी माघ ११ गते हुने राष्ट्रिय सभा निर्वाचनका उम्मेदवार तय गर्न एमालेले शुक्रबार मध्याह्न १२ बजे सचिवालय बैठक बोलाएको हो ।
बैठक पार्टी केन्द्रीय कार्यालय च्यासलमा बस्नेछ । निर्वाचन आयोगले यही पुस २३ गते उम्मेदवारी मनोनयन गर्ने कार्यसूची राखेको छ ।
आगामी फागुनदेखि राष्ट्रिय सभा अध्यक्ष गणेश तिमिल्सिनासहित एमालेका ८ सदस्य रिक्त हुँदैछन्।
निर्वाचन नजिकिएसँगै सत्ता गठबन्धनको मोर्चाबन्दी कायमै रहे एमालेले सबै ८ सिट गुमाउनेछ । प्रधामन्त्री पुष्पकमल दाहाल प्रचण्डले राष्ट्रिय सभामा एमालेलाई पनि समेट्ने गरी छलफल थालेका छन् ।