काठमाडौं । सोमबार सुनको मूल्य तोलामा ७ सय रुपैयाँले घटेको छ । छापावाला र तेजावी सुन प्रतितोला ७ सय रुपैयाँले घटेको हो ।

गत बिहीबारदेखि प्रतितोला १ लाख १९ हजार ५ सय रुपैयाँमा कारोबार भइरहेको सुनको मूल्य सोमबार १ लाख १८ हजार ८ सय रुपैयाँमा कायम रहेको नेपाल सुनचाँदी व्यवसायी महासंघले जनाएको छ ।

महासंघका अनुसार आज तेजावी सुन तोलामा १ लाख १८ हजार २५० रुपैयाँमा कारोबार भइरहेको छ । आइतबार तेजावी सुनको मूल्य तोलाको १ लाख १८ हजार ९५० रुपैयाँ थियो ।

गत बिहिबारदेखि यथावत रहेको सुन र चाँदीको मूल्य सोमबार घटेको हो । चाँदीमा सामान्य गिरावट आएको छ । आइतबार १ हजार ४२० रुपैयाँमा कारोबार भएको चाँदी सोमबार प्रतितोला १ हजार ४१५ रुपैयाँमा कारोबार भइरहेको महासंघले जनाएको छ ।

आज १० ग्राम छापावाला सुनको मूल्य १ लाख १ हजार ८५० रुपैयाँ पुगेको छ । तेजावी सुन १ लाख १ हजार ३८० रुपैयाँ पुगेको महासंघले जनाएको छ ।

आइतबार १० ग्राम छापावाला सुनको मूल्य १ लाख २ हजार ४५० रुपैयाँ थियो । तेजावी सुन १० ग्रामको १ लाख १ हजार ९८० रुपैयाँ थियो ।