काठमाडौं । नेकपा एकीकृत समाजवादीका सम्मानित नेता झलनाथ खनाल मिटरब्याज पीडितहरूको आन्दोलनमा सहभागी हुने भएका छन्।

खनालले यसअघि उनीहरूको आन्दोलनप्रति समर्थन जनाएका थिए ।

नेता खनाल पीडितहरूको आन्दोलनमा ऐक्यबद्धता जनाउन आइतबार दिउँसो भृकुटीमण्डप जाने कार्यक्रम रहेको खनालको निजी सचिवालयले जनाएको छ ।

देशभरका मिटरब्याज पीडित गत बिहीबार काठमाडौं आएका हुन् ।

उनीहरूलाई सरकारले वार्ताका लागि अहिलेसम्म बोलाएको छैन ।