काठमाडौं । प्रहरी प्रधान कार्यालयले दोलखा र रसुवामा नयाँ प्रहरी प्रमुख पठाएको छ ।
शुक्रबार काज सरुवा गर्दै दोलखामा डीएसपी ज्ञानकुमार महतो र रसुवामा हेमबहादुर शाहीलाई पठाइएको हो ।
अब महतोले जिल्ला प्रहरी कार्यालय दोलखाको जिम्मेवारी सम्हाल्ने छन् भने शाहीले जिल्ला प्रहरी कार्यालय रसुवाको कमाण्ड सम्हाल्ने छन् ।
यसअघि दोलखामा कार्यरत युवराज खड्का एसपीमा बढुवा भएका थिए । त्यस यता दोलखा प्रहरी प्रमुखविहीन रहेको थियो ।
रसुवामा कार्यरत डीएसपी केशव भट्टराईको काज सरुवा गर्दै प्रधानमन्त्री कार्यालय पठाइएको छ ।