Jun 16 2026 | २०८३, आषाढ २ गते
16 Jun 2026 | मंगलवार, आषाढ २ गते २०८३
मंगलवार, आषाढ २ गते २०८३
Jun 16 2026 | २०८३, आषाढ २ गते
16 Jun 2026 | मंगलवार, आषाढ २ गते २०८३
आइतवार , फाल्गुण ४, २०८१
कास्की । पोखरा महानगरपालिका-३ स्थित नदीपुरको अस्थायी प्रहरी पोस्टमा सबै महिला प्रहरीलाई खटाइएको छ ।
जिल्ला प्रहरी कार्यालय कास्की अन्तर्गत ७७ वटा युनिट रहेकोमा नदीपुरको पोस्टमा महिला प्रहरीलाई मात्र खटाइएको हो । प्रहरी सहायक निरीक्षक दीपा आलेको नेतृत्वमा ९ जना प्रहरी महिला उक्त पोस्टमा कार्यरत छन् ।
अस्थायी प्रहरी पोस्टमा असई आलेसँगै प्रहरी हबलदार सङ्गीता महतो, जवान देवी पुर्जा, मनीषा बुढा, अमृता अठारे, गङ्गा सुनार, जानुका श्रेष्ठ, मञ्जु नेपाली र ममता सिंहलाई खटाइएको छ । आइतबारदेखि सबै महिला प्रहरीलाई उक्त पोस्टमा खटाएर सेवाको आरम्भ गरिएको हो ।
जिल्ला प्रहरी कार्यालय कास्कीका प्रहरी प्रमुख, प्रहरी उपरीक्षक श्यामबाबु ओलियाले महिला प्रहरीको दक्षता, क्षमताको उजागरका साथै कामप्रति उत्साह जगाउन महिला प्रहरी कर्मचारी मात्र खटाएर सेवा आरम्भ गरिएको बताए ।
कार्यक्रममा कास्कीका प्रमुख जिल्ला अधिकारी भरतमणि पाण्डेले महिलाहरू मात्र कार्यरत रहेको युनिट बढी अनुशासित हुने दाबी गरे ।
© 2026 All right reserved to onlinenepal.com
Design & Developed By
