काठमाडौं । डोल्पामा यार्सागुम्बा संकलन गर्न गएका समूहबीच झडप भएको छ ।
सशस्त्र प्रहरी बलका अनुसार शनिबार दिउँसो डोल्पाको ठुरी भेरी नगरपालिका–१, ठाला लेकमा झडप भएको हो ।
रुकुम पूर्वको मैकोट गाउँपालिका र डोल्पाको काईके गाउँपालिका तथा ठुली भेरी नगरपालिकाका स्थानीयबीच यार्सागुम्बा संकलनमा सीमा क्षेत्रका विषयमा विवाद भएको थियो ।
त्यसपछि करिब ६००/७०० जनाको संख्यामा रहेका उनीहरूबीच झडप भएको सशस्त्र प्रहरीले जनाएको छ ।
स्थिति नियन्त्रणमा लिन सुरक्षाफौजले एसएलआरबाट दुई राउन्ड हवाईफायर गरेको थियो । हाल त्यहाँको अवस्था सामान्य रहेको बताइएको छ ।