Jun 14 2026 | २०८३, जेठ ३१ गते
14 Jun 2026 | आइतवार, जेठ ३१ गते २०८३
आइतवार, जेठ ३१ गते २०८३
Jun 14 2026 | २०८३, जेठ ३१ गते
14 Jun 2026 | आइतवार, जेठ ३१ गते २०८३
आइतवार , जेठ १२, २०८२
काठमाडौं । विश्वको सर्वोच्च शिखर सगरमाथा आरोही प्रहरी नायव निरीक्षक कुन्जाङ छोपेल शेर्पालाई दर्ज्यानी चिन्ह प्रदान गरिएको छ ।
प्रहरी महानिरीक्षक दिपक थापाले नेपाल प्रहरी प्रधान कार्यालयमा आइतबार आयोजित एक समारोहबीच प्रहरी नायव निरीक्षकमा बढुवा भएकी शेर्पालाई दर्ज्यानी चिन्ह प्रदान गरेका हुन् ।
हेडक्वार्टरमा गत जेठ ६ गते बसेको नीति निर्माण समिति (पिसिसि) बैठकको निर्णयले शेर्पालाई असई पदबाट सईमा विशेष बढुवा गरेको थियो । सगरमाथाको सफलतापूर्वक आरोहण गरी संगठनको गौरव बढाउन शेर्पाले सहयोग गरेको प्रहरीको ठहर छ ।
दर्ज्यानी चिन्ह सुशोभन समारोहलाई सम्बोधन गर्दै प्रहरी महानिरीक्षक थापाले अदम्य साहसका साथ विश्वको सर्वोच्च शिखर सगरमाथाको सफलतापूर्वक आरोहण गरी प्रहरी संगठनको श्रीवृद्धिको लागि गरेको कार्यको उच्च प्रशंसा गरे ।
पदोन्नतिसँगै पदीय दायित्व र मर्यादाको घेरा बढ्दै जाने चर्चा गर्दै आगामी दिनमा थप हौसला र लगनशीलताका साथ कार्यसम्पादन गर्न उनले निर्देशन दिए ।
नेपाल प्रहरीको प्रतिनिधित्व गर्दै प्रहरी नायव निरीक्षक कुन्जाङ छोपेल शेर्पाले २०८२ जेठ ५ गते सोमबार बिहान ८ः५६ बजे विश्वको सर्वोच्च शिखर सगरमाथाको सफलतापूर्वक आरोहण गरी सगरमाथाको चुचुरोमा नेपालको राष्ट्रिय झण्डा, नेपाल प्रहरीको झण्डा तथा महिला र बालिकाहरू विरूद्ध हुने हिंसा अन्त्य गर्न एकजुट हौं भन्ने नारा सहितको ब्यानर फहराउन सफल भएकी थिइन् ।
© 2026 All right reserved to onlinenepal.com
Design & Developed By
