राजावादी प्रदर्शनमा अनुसन्धानमा परेका १०८ मध्ये ७४ जनाविरुद्ध मुद्दा चल्ने

अनलाइन नेपाल

आइतवार , जेठ १२, २०८२

काठमाडौं । राजावादी समूहले चैत १५ गते गरेको हिंसात्मक प्रदर्शनमा संलग्न रहेको आरोपमा अनुसन्धानको १०८ जनामध्ये ७४ जनाविरुद्ध मुद्दा चल्ने भएको छ ।

जिल्ला प्रहरी परिसर, काठमाडौंले झण्डै दुई महिना लामो गरेको अनुसन्धानले उनीहरुलाई मुद्दा चलाउनुपर्न रायसहित सरकारी वकिलको कार्यालयमा पठाएको थियो ।

उनीहरुविरुद्ध राज्यविरुद्धको कसुर, अपराधिक उपद्रव, संगठित अपराध र कर्तव्य ज्यानसम्बन्धी कसुरमा मुद्दा लगाइएको छ ।

प्रहरीले अनुसन्धान सकेर गत बिहीबार रायसहितको प्रतिवेदन बुझाएको थियो ।

त्यसको अध्ययन गरेर आइतबार जिल्ला अदालत, काठमाडौंमा मुद्दा दायर गर्ने तयारी गरिएको सरकारी वकिलको कार्यालयले जनाएको छ ।

बाँकी केही पक्राउ पर्न बाँकी छन् भने केहीलाई भने हिरासत बाहिरै राखेर अनुसन्धान गरिएको छ ।

जसमध्ये राप्रपा महामन्त्री धवलशमशेर राणा, वरिष्ठ उपाध्यक्ष रवीन्द्र मिश्रलगायत हाजिरी जमानीमा हिरासत बाहिरै राखेर अनुसन्धान गरिएको छ ।

अदालतमा मुद्दा पुगेपछि उनीहरूलाई अदालतमा उपस्थित गराउने प्रहरीको तयारी छ ।

प्रतिक्रिया दिनुहोस्

नयाँ अपडेट

थप नयाँ अपडेट

सिराहापछि पर्सामा १०० किलो गाँजा बरामद