काठमाडौँ । काठमाडौँको दक्षिणकाली नगरपालिका–५ स्थित फर्पिङ चेकपोस्टबाट २९३० एम्पुल लागुऔषधसहित दुई युवक पक्राउ परेका छन्।
पक्राउ पर्नेमा रौतहटको गरौडा नगरपालिका–९ का २९ वर्षीय राजकिशोर सहनी र गौर नगरपालिका–४ का २८ वर्षीय सुखारिस सहनी रहेको जिल्ला प्रहरी परिसर, काठमाडौँले जनाएको छ।
हेटौंडाबाट काठमाडौँतर्फ आउँदै गरेको ना.१ ज ५४३७ नम्बरको टाटा सुमो चेकजाँच गर्ने क्रममा लागुऔषध लुकाइ छिपाई ल्याउँदै गरेको अवस्थामा मंगलबार अपराह्न उनीहरू फर्पिङ चेकपोस्टबाट पक्राउ परेका हुन् ।
प्रहरीका अनुसार काठमाडौँ जिल्ला अदालतबाट ७ दिनको म्याद थप अनुमति लिइ अनुसन्धान भइरहेको छ।