एजेन्सी । इजरायलले अमेरिकी हमलाहरूपछि इरानको फोर्दो परमाणु परिसर निष्क्रिय भएको दाबी गरेको छ ।
इजरायल सरकारको परमाणु संस्थाले अमेरिका र इजरायलद्वारा गरिएको हवाई आक्रमणपछि इरानको फोर्दोस्थित मुख्य परमाणु परिसर पूर्णरूपमा निष्क्रिय भएको दाबी गरेको हो ।
इजरायल एटमिक एनर्जी कमिसनले भन्यो, “हमलाहरूले परिसरका आधारभूत संरचनाहरूलाई ध्वस्त पारेको छ । अमेरिकी र इजरायली हमलाहरूका कारण इरानको परमाणु हतियार विकास गर्ने क्षमता धेरै वर्ष पछाडि धकेलिएको छ ।”
यद्यपि, इरानको परमाणु प्रतिष्ठानहरूमा भएको हमलाबारे पेन्टागनको चुहिएको प्रारम्भिक गुप्तचर मूल्यांकन प्रतिवेदनमा इरानको परमाणु कार्यक्रम नष्ट नभएको र सम्भवतः यो अधिकतम केही महिनामात्र पछाडि धकेलिएको दाबी गरिएको छ ।