काठमाडौं । प्रहरीले बुधबार राती ठूलो परिमाणमा लागूऔषध चरेस बरामद गरेको छ ।
प्रहरीले पर्साको परवानीपुरबाट करिब ३१७ किलो चरेस बरामद गरेको हो । यद्यपी प्रहरीले अहिलेसम्म सार्वजनिक भने गरेको छैन ।
परवानीपुरबाट वीरगन्जस्थित सुक्खा बन्दरगाहतर्फ जाँदै गरेको प्रदेश २–०३–००१ ख ६३४८ नम्बरको ट्रकबाट उक्त चरेस बरामद गरिएको प्रहरी स्रोतको दावी छ ।
स्रोतका अनुसार बरामद उक्त चरेस भारततर्फ लैजान लागिएको थियो ।
चरेससहित प्रहरीले ट्रकका चालक मकवानपुरको थाहा नगरपालिका–१२ का ३६ वर्षीय बुद्धिबहादुर स्याङ्तानलाई पक्राउ गरेको छ ।