इरानमा मारिएका सैन्य कमान्डर र आणविक वैज्ञानिकको राजकीय अन्त्येष्टि

अनलाइन नेपाल

शनिवार , आषाढ १४, २०८२

एजेन्सी । इरानमा इजरायलसँगको १२ दिने द्वन्द्वमा मारिएका सैन्य कमान्डर र आणविक वैज्ञानिकसहित करिब ६० जनाको राजकीय अन्त्येष्टि गरिएको छ ।

शनिबार तेहरानको एङ्गेलाब स्क्वायर नजिकै इरानी झण्डाले बेरिएका र मृतक कमान्डरहरूको तस्बिर राखिएका कफिनहरूको वरिपरि ठूलो भीड जम्मा भएको थियो।

अन्त्येष्टिमा सहभागी हुन आएकाहरूको नाराबाजी गर्दै इरानी झण्डा फहराएका थिए र मारिएकाहरूको तस्बिर बोकेका थिए।

यसअघि, सरकारी सञ्चारमाध्यमले मानिसहरूलाई सहभागी हुन आग्रह गरेको थियो भने सरकारले निःशुल्क बस र मेट्रो सेवा उपलब्ध गराएको थियो।

आजका लागि सरकारी कार्यालयहरू बन्द गरिएका थिए। इरानी अधिकारीहरूका अनुसार, द्वन्द्वमा इरानमा कुल ६२७ जनाको मृत्यु भएको छ।

प्रतिक्रिया दिनुहोस्

नयाँ अपडेट

थप नयाँ अपडेट

निर्यात रोकिएपछि आजदेखि बन्द भए चिया उद्योग