काठमाडौं । करिब १० करोड रुपैयाँको चेक बाउन्स आरोपमा पक्राउ परेका काठमाडौं भ्यू टावरका ठेकेदार मनोजकुमार भेटवाललाई सुटुक्क अस्पताल भर्ना भएको खुलेको छ ।
शुक्रबार पक्राउ परेका भेटवाल त्यसलगत्तै अस्पताल भर्ना भएका हुन् । प्रहरी उच्च स्रोतका अनुसार उनलाई धुम्बराहीको ह्याम्स अस्पतालमा भर्ना गराइएको छ ।
अस्पतालको क्याबिन नम्बर ८१२ मा उनलाई राखिएको छ ।
आज आइतबार भेटवालमाथि म्याद थप गरेर अनुसन्धान अघि बढाइने प्रहरीले बताएको छ ।