काठमाडौँ । रोजगारीका लागि अमेरिका पठाइ दिन्छु भन्दै ठगी गर्ने एकजना पक्राउ परेका छन् ।
पक्राउ पर्नेमा तनहुँको व्यास नपा-१२ स्थायी घर भई हाल काठमाडौँ चन्द्रगिरी नपा-७ बस्ने ३० वर्षीय रञ्जन पाण्डे रहेका छन् ।
उनले अमेरिका पठाइ दिनेभन्दै पीडितबाट पचहत्तर लाख पचास हजार रुपियाँ ठगी गरेपछि उनलाई प्रहरीले पक्राउ गरेको काठमाडौँ उपत्यका अपराध अनुसन्धान कार्यालयले जनाएको छ ।
अमेरिका लैजाने भन्दै लामो समयसम्म झुक्यानमा राखी विदेश नपठाई सम्पर्क विहीन भएकोमा पीडितले दिएको जाहेरीको आधारमा उनलाई पक्राउ गरिएको हो ।
उनलाई थप अनुसन्धान तथा कारबाहीका लागि जिल्ला प्रहरी परिसर, भद्रकाली पठाइएको छ ।