Jun 13 2026 | २०८३, जेठ ३० गते
13 Jun 2026 | शनिवार, जेठ ३० गते २०८३
शनिवार, जेठ ३० गते २०८३
Jun 13 2026 | २०८३, जेठ ३० गते
13 Jun 2026 | शनिवार, जेठ ३० गते २०८३
सोमवार , आषाढ १६, २०८२
मोरङ । ‘जिल्ला प्रहरीबाट आएका हौं’ भन्दै मानिस अपहरण गरी लाखौं रुपैयाँ लुट्ने गिरोहका दुई सदस्यलाई प्रहरीले पक्राउ गरेको छ ।
पक्राउ पर्नेमा विराटनगर–८ का २४ वर्षीय समीर हुसेन र विराटनगर–६ का २५ वर्षीय आसिफ अन्सारी रहेका छन् । घटनामा संलग्न तेस्रो व्यक्ति भने फरार रहेको जिल्ला प्रहरी कार्यालय मोरङले जनाएको छ ।
असार ११ गते बिहान विराटनगर–१३, महतो टोलबाट बैंक जान लागेका विक्रमकुमार साहलाई नक्कली प्रहरी बनेर अपहरण गरी ३ लाख ६४ हजार रुपैयाँ लुटिएको थियो। पाँच दिनको अनुसन्धानपछि मोरङ प्रहरीले आइतबार उनीहरूलाई पक्राउ गरेको हो ।
प्रहरी प्रवक्ता डीएसपी कोपिला चुँडालका अनुसार तीन जनाको समूहले विक्रमलाई ‘प्रहरीबाट खटिएका हौं’ भन्दै समाते । आँखा अस्पताल क्षेत्र हुँदै रेल–वे लाइनतर्फ लैजाँदै जतुवास्थित एकान्त ठाउँमा पुर्याई धम्क्याउँदै लुटपाट गरिएको अनुसन्धानबाट खुलेको छ ।
“पछाडि फर्केर हेरे मारिदिन्छौं,” भनेर धम्क्याउँदै विक्रमकुमारसँग रहेको रकम जबर्जस्ती लुटिएको पीडितले बताएका छन्।
घटनामा प्रयोग गरिएको को १४ प ३३३० नम्बरको रातो स्कुटर समेत प्रहरीले बरामद गरेको छ। पीडितबाट लुटिएको नगद भने अझै फेला परेको छैन ।
पक्राउ परेका दुवैजनामाथि शरीर बन्धक बनाई डाँका गरेको अभियोगमा मुद्दा दर्ता गरी थप अनुसन्धान अघि बढाइएको प्रहरीले जनाएको छ । साथै फरार व्यक्तिको खोजी तीव्र पारिएको छ ।
© 2026 All right reserved to onlinenepal.com
Design & Developed By
