Jun 13 2026 | २०८३, जेठ ३० गते
13 Jun 2026 | शनिवार, जेठ ३० गते २०८३
शनिवार, जेठ ३० गते २०८३
Jun 13 2026 | २०८३, जेठ ३० गते
13 Jun 2026 | शनिवार, जेठ ३० गते २०८३
बुधवार , आषाढ १८, २०८२
दाङ । प्रहरी हिरासतमा रहेका एक व्यक्तिको मुद्दा मिलाइदिने भन्दै ५० हजार रुपैयाँ असुलेको अभियोगमा प्रहरीले दुई जनालाई पक्राउ गरेको छ ।
पक्राउ पर्नेमा बर्दियाको गेरुवा गाउँपालिका–३ शान्तिबजारका ४३ वर्षीय कृष्णबहादुर थारू र सुर्खेत वीरेन्द्रनगर नगरपालिका–१३ इन्द्रपुरकी ३४ वर्षीया मुना चन्द रहेका छन्।
थारू र चन्दले हिरासतमा रहेका व्यक्तिका परिवारसँग 'मुद्दा मिलाइदिन्छौं' भन्ने नाममा रकम असुलेको प्रहरीले जनाएको छ । उनीहरूले ‘प्रहरी प्रशासन मिलाउनुहोस्, नत्र तपाईंको मान्छे जेल जान सक्छ’ भन्ने धम्की दिँदै ५० हजार रुपैयाँ लिएको अनुसन्धानबाट खुलेको हो ।
प्रारम्भिक अनुसन्धान अनुसार, अभद्र व्यवहारको अभियोगमा प्रहरी हिरासतमा रहेका व्यक्तिलाई छुटाइदिने प्रलोभन देखाई पैसा असुलेको पाइएको छ ।
उनीहरूलाई अदालतबाट म्याद लिई आपराधिक लाभ उठाई रकम असुली (एक्सटर्सन) को कसुरमा अनुसन्धान थालिएको छ।
© 2026 All right reserved to onlinenepal.com
Design & Developed By
