काठमाडौं । सुन्धारा कारागारबाट फरार भएका कैदीहरू केशव दुलाल र सानु भण्डारीलाई प्रहरीले पक्राउ गरेको छ ।
मंगलबार अपराह्न उपत्यका अपराध अनुसन्धान कार्यालयको विशेष टोलीले ललितपुरको धापाखेलबाट उनीहरूलाई नियन्त्रणमा लिएको हो ।
दुलाल र भण्डारी दुवैजना नक्कली शरणार्थी प्रकरणमा पुर्पक्षका लागि थुनामा रहेका थिए । जेनजी प्रदर्शनका क्रममा भदौ २४ गते उनीहरू कारागारबाट फरार भएका थिए ।
पक्राउ परेका उनीहरूलाई आवश्यक अनुसन्धान तथा कारबाहीका लागि पुनः कारागारमा पठाइने प्रहरीले जनाएको छ ।