Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
सोमवार, आषाढ १ गते २०८३
Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
सोमवार , आषाढ १, २०८३
काठमाडौं । आगामी आर्थिक वर्ष २०८३/८४ का लागि सातै प्रदेश सरकारले आज एकैदिन वार्षिक बजेट सार्वजनिक गर्दै छन् ।
संवैधानिक व्यवस्था अनुसार प्रत्येक वर्ष असार १ गतेभित्र बजेट ल्याउनुपर्ने प्रावधान अनुरूप प्रदेश सरकारहरूले आफ्नो आय–व्यय विवरण प्रदेश सभामा प्रस्तुत गर्न लागेका हुन् ।
यसअघि सबै प्रदेशमा नीति तथा कार्यक्रम प्रदेश सभाबाट पारित भइसकेकाले आज बजेट प्रस्तुतिको औपचारिक बाटो खुलेको हो ।
निर्धारित कार्यतालिका अनुसार सबैभन्दा पहिले मधेश प्रदेश सरकारले दिउँसो १ बजे बजेट प्रस्तुत गर्नेछ। त्यसपछि कर्णाली प्रदेशले दिउँसो ३ बजे बजेट सार्वजनिक गर्नेछ।
त्यस्तै कोशी, बागमती र गण्डकी प्रदेशले दिउँसो ४ बजे आ–आफ्नो प्रदेश सभामा बजेट प्रस्तुत गर्ने तयारी गरेका छन्। अन्तिम चरणमा लुम्बिनी र सुदूरपश्चिम प्रदेशले साँझ ५ बजे बजेट ल्याउने भएका छन्।
प्रदेश सरकारहरूले शिक्षा, स्वास्थ्य, पूर्वाधार, कृषि र रोजगारी सिर्जनालाई प्राथमिकतामा राख्दै बजेट केन्द्रित गर्ने अपेक्षा गरिएको छ।
© 2026 All right reserved to onlinenepal.com
Design & Developed By
