Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडाैँ । नेपालका लागि भारतीय राजदूत विनय मोहन क्वात्राले प्रधानमन्त्री केपी शर्मा ओलीको लेख छापिएको पुस्तक उपराष्ट्रपति नन्दबहादुर पुन, उपप्रधान तथा रक्षामन्त्री ईश्वर पोखरेल र परराष्ट्र मन्त्री प्रदीप ज्ञवालीलाई उपहार दिएका छन् ।
राजदूत क्वात्राले प्रधानमन्त्री ओलीले भारतीय स्वतन्त्रता आन्दोलनका एक प्रमुख राजनीतिक एवं आध्यात्मिक नेता मोहनदास करमचन्द गान्धी ‘महात्मा गान्धी’को बारेमा लेखेको लेख छापिएको उक्त पुस्तक उपहार दिएका हुन् ।
राजदूत क्वात्राले राष्ट्रपति भवन शीतलनिवासमा ओहोदाको प्रमाण पत्र पेश गरे लगत्तै उप-राष्ट्रपति पुन, उप–प्रधानमन्त्री पाेखरेल र परराष्ट्रमन्त्री ज्ञवालीसँग औपचारिक शिष्टाचार भेटवार्ता गर्दै ‘ह्वाट गान्धी मिन्स टू मी’ नामक पुस्तक उपहार स्वरूप दिएका हुन्।
राजदूत क्वात्रा नेपालका लागि २५औं राजदूत हुन्। डिसेम्बर २०१९ मा पूर्वराजदूत मञ्जीव सिंह पुरीको कार्यकाल पूरा भएपछि क्वात्रा नेपालका लागि नयाँ राजदूतको रुपमा नियुक्त भएका थिए।
तीन दशकदेखि भारतीय विदेश सेवामा कार्यरत क्वात्राले संयुक्त राष्ट्रसंघ, अमेरिका, चीन, फ्रान्सजस्ता शक्ति राष्ट्रमा सफलतापूर्वक काम गरिसकेका छन्। क्वात्राले २००६ देखि २०१० सम्म नेपालको सार्क सचिवालयमा व्यापार, अर्थव्यवस्था र वित्त ब्यूरोको प्रमुखको रूपमा प्रतिनिधित्व गरेका थिए।
क्वात्राको अनुभवले उनको कार्यकालमा नेपाल-भारत सम्बन्ध थप उचाइमा पुग्ने विश्वास गरिएको छ।
© 2026 All right reserved to onlinenepal.com
Design & Developed By
