काठमाडौं । सरकारले नयाँ शैक्षिक सत्रदेखि विद्यालय समय परिवर्तन गर्ने भएको छ ।

यसअघि आधिकारिक विद्यालय समय १०–४ रहेकोमा अब भने बिहान ९ बजेदेखि ४ बजेसम्म तोक्न लागिएको शिक्षा विज्ञान तथा प्रविधि मन्त्रालयले जनाएको छ ।

प्रधानमन्त्री तथा मन्त्रिपरिषदको कार्यालयले नयाँ शैक्षिक सत्रदेखि बिहान ९ बजेदेखि ४ बजेसम्म विद्यालय सञ्चालन गर्ने/गराउने निर्णय गरेर शिक्षा मन्त्रालय र मन्त्रालय मातहतका निकायलाई सोहीअनुरुप लागु गराउन निर्देशन दिएको छ ।

विद्यालय समय १० बजेदेखि ५ बजेसम्म हुँदा राजधानीमा जामको समस्या खेप्नु परेको भन्दै यस विषयमा पहिलेदेखि नै आवाज उठ्दै आएको थियो ।