काठमाडौँ । वीरगन्जमा निको भएका २ जनाको पीसीआर रिपोर्ट पोजिटिभ देखिएकाे छ। नारायणी अस्पताल वीरगन्जबाट कोभिड–१९ निको भएर गएका ती दुई जनाकाे पीसीआर परीक्षणमा पोजिटिभ देखिएपछि अस्पतालमा पुन: भर्ना गरिएको छ ।
अस्पतालका प्रमुख मेडिकल सुपरिन्टेन्डेन्ट डा. मदनकुमार उपाध्यायका अनुसार वैशाख ८, १० र १२ गते गरिएको पीसीआर परीक्षणमा तीनैचोटि नेगेटिभ आएपछि ४ जनालाई १४ गते डिस्चार्ज गरिएको थियो । उनीहरू सबैसँग निरन्तर फोन गरेर अस्पतालले स्वास्थ्यसम्बन्धी जानकारी लिइरहेको थियो ।
५ दिनपछि फलोअपमा बोलाएर रगत र घाँटीको र्यालको नमुना लिइएको थियो । शनिबार आएको पीसीआर परीक्षणको रिपोर्टमा दुई जनामा पोजिटिभ देखिएको हो । उनीहरूलाई अस्पतालको आइसोलेसनमा राखिएको छ ।
Leave a Reply