काठमाडौं । स्वास्थ्य तथा जनसंख्या मन्त्रालयले थप १३ जनामा कोरोना संक्रमण भएको पुष्टि गरेको छ । कपिलवस्तुमा ६, रुपन्देहीमा ६ र बर्दियामा १ जनामा कोरोना संक्रमण पुष्टि भएको हो मन्त्रालयका अनुसार ।
राष्ट्रिय जनस्वास्थ्य प्रयोगशालामा गरिएको परीक्षणमा कोरोना संक्रमण पुष्टि भएको मन्त्रालयका सहप्रवक्ता डा. समीरकुमार अधिकारीले जानकारी दिए ।
आज बिहान मात्र कपिलवस्तुमा १० जनामा कोरोना संक्रमण पुष्टि भएको थियो । रुपन्देहीमा यसअघि एक जनामा संक्रमित देखिएकामा सोमबार ६ जना थपिएको हो । योसँगै नेपालमा कोरोना संक्रमितको संख्या १३४ पुगेको छ।
Leave a Reply