काठमाडौं । शनिबार बिहान कोरोना संक्रमणको पुष्टि भएका काठमाडौंका पुरुष धापासीस्थित ग्रान्डी अस्पालका कर्मचारी रहेको खुलेको छ ।
ग्राण्डी अस्पतालमा कार्यरत ३५ वर्षीय ती कर्मचारीमा कोरोना पोजेटिभ देखिएपछि अस्पताल सिल गर्न लागिएको छ ।
स्वास्थ्य तथा जनसंख्या मन्त्रालयले उनको सम्पर्कमा आएकाहरुको खोजी र परीक्षण गर्न लागि निर्देशन दिएको छ । कन्ट्याक्ट ट्रेसिङका लागि इपिडिमियोलोजी तथा रोग नियन्त्रण महाशाखाको टोलीले काम शुरु गरेको वताइएको छ ।
स्वास्थ्य तथा जनसंख्या मन्त्रालयले काठमाडौंका एक व्यक्तिमा कोरोना संक्रमण भएको बताएको थियो । उनी ग्राण्डीका कर्मचारी भएको खुलेको छ ।
उनको काठमाडौंको राष्ट्रिय जनस्वास्थ्य प्रयोगशालामा परीक्षण गरिएको थियो । ग्राण्डी अस्पतालका निर्देशक डा.चक्रराज पाण्डेले अस्पतालमा कोरोना संक्रमित भेटिएको स्वीकार गरेपनि यसबारे थप विवरण दिन चाहेनन्नन ।
Leave a Reply